E-fwletin CGGC Mai 2022/ CVSC E-bulletin May 2022

Published: Fri, 04/29/22

Newyddion

Croeso i rhifyn mis Mai o fwletin newyddion CGGC!

Yn yr e-fwletinau misol hyn mae’r wybodaeth a’r newyddion diweddaraf angenrheidiol am y trydydd sector. Mae yma hefyd newyddion am gyllid, hyfforddiant a digwyddiadau eraill sydd o ddiddordeb i’r sector gwirfoddol a chymunedol yn y rhan hon o’r wlad. A hyn i gyd yn syth i’ch mewnflwch!

Cofiwch gysylltu â ni os oes gennych chi unrhyw wybodaeth neu eitemau yr hoffech chi i ni gynnwys yn y rhifyn nesaf!

Dyma’r wybodaeth ddiweddaraf am gyllid. Am wybodaeth a chyfarwyddyd diweddar am ffynonellau o arian argyfwng a chyllid cyffredinol tymor hwy, ewch i www.funding.wales neu gysylltu ar 01492 523843 neu [email protected]

Gweithio yn y trydydd sector? Oes gan eich grŵp chi syniad am brosiect? Chwilio am gyllid?
Mae CGGC yn hyrwyddo ‘Cyfarfod y Cyllidwr’ misol yn benodol ar gyfer grwpiau a sefydliadau cymunedol. Yn bresennol mae'r canlynol:
Cronfa Gymunedol y Loteri Genedlaethol, Cronfa Fferm Wynt Coedwig Clocaenog, Cronfeydd Ffermydd Gwynt Gwastadeddau'r Rhyl a Gwynt y Môr, Comic Relief a Swyddog Cyllid CGGC.
Os na allwn eich helpu yn uniongyrchol byddwn yn gwneud ein gorau i'ch cyfeirio at asiantaethau cyllido priodol eraill. I archebu lle, cysylltwch â ni nawr ar [email protected]
Rydyn ni'n edrych ymlaen at eich cyfarfod chi'n fuan!

Cronfa Gymunedol Comic Relief yng Nghymru

Ar ôl cyflwyno cynllun peilot llwyddiannus, mae Comic Relief wedi cadarnhau rownd newydd o gyllid i ariannu gweithredu a arweinir gan y gymuned gan sicrhau newid cymdeithasol cadarnhaol, parhaol ledled Cymru.

Mae gan Gronfa Gymunedol Comic Relief yng Nghymru ddwy lefel ariannu:

Grantiau Bach (£1,000 – £10,000)

Grantiau Twf Sefydliadol (£30,000 – £50,000)

Am wybodaeth lawn: CVSC - Cronfa Gymunedol Comic Relief yng Nghymru

Loto Lwcus

Dim Risg. Dim Ffioedd. Mwy o Godi Arian!

Ers ei lansio, mae’r Loto Lwcus wedi codi mwy na £9,600 i’r gymuned leol ac mae mwy na £2,160 wedi’i roi mewn enillion. Hyd yn hyn mae mwy na 30 o grwpiau lleol wedi cofrestru fel rhan o ffordd hwyliog ac effeithiol o godi arian ar gyfer eu gwasanaethau gwerthfawr yn y gymuned.
Mae achosion da nid yn unig yn elwa o dderbyn 50% o’r elw o werthiant tocynnau o’u tudalen, ond hefyd maent yn derbyn llu o ddeunyddiau marchnata yn ogystal â’u tudalen we Loto Lwcus eu hunain! Ydych chi'n grŵp nid-er-elw lleol sydd eisiau arallgyfeirio eich incwm codi arian mewn ffordd hwyliog ac effeithiol? Neu, efallai eich bod yn gwybod am Gymdeithas Rhieni ac Athrawon, clwb chwaraeon, neu elusen arall sy’n chwilio am ffordd gynaliadwy o godi arian? Gall achosion da gofrestru AM DDIM unrhyw bryd.

Gadewch i ni glywed gan Shirley - Rheolwr Gwirfoddolwyr a Digwyddiadau, Stepping Stones.

Dywedwch ychydig wrthym am eich achos a'r gwaith rydych chi'n ei wneud yn y gymuned:

-Mae Stepping Stones Gogledd Cymru yn elusen sydd wedi'i sefydlu ers 38 o flynyddoedd, yn darparu cefnogaeth hanfodol i oedolion sydd wedi goroesi cam-drin rhywiol yn ystod eu plentyndod. Rydym yn darparu cwnsela therapiwtig proffesiynol a chefnogaeth deuluol ar draws chwe sir Gogledd Cymru am ddim. Rydym hefyd yn darparu ystod eang o gefnogaeth un i un. Gall dynion a merched hunanatgyfeirio neu gael eu cyfeirio gan weithiwr proffesiynol.

Sut glywsoch chi am y loteri a beth wnaeth i chi benderfynu ymuno?

- Clywsom am y loteri drwy CGGC, a phenderfynwyd ymuno gan ein bod yn teimlo ei bod yn ffordd dda iawn o godi ymwybyddiaeth ac arian hanfodol i’n helusen i gefnogi ein gwasanaethau a hefyd yn ffordd o gefnogi elusennau yn gyffredinol yn ein cymuned leol.

A oes prosiect neu wasanaeth penodol yr ydych yn gobeithio codi arian ar ei gyfer?

- Rydym eisiau gallu darparu mwy o sesiynau cwnsela, i'r rhai sydd mewn angen hanfodol, a hefyd codi ymwybyddiaeth o'n gwasanaethau, yn enwedig ein cynghorwyr trais rhywiol newydd i Bobl Ifanc

Pa gyngor fyddech chi'n ei roi i achosion eraill sy'n ystyried ymuno â'r loteri?

- Ymunwch Nawr! Pob canlyniad yn gadarnhaol a ffordd mor hawdd o gefnogi'ch achos. Cefnogaeth broffesiynol gan Loto Lwcus bob amser ac rydym wedi cael llawer o enillwyr!

Ymuno nawr!

Yma fe welwch y newyddion diweddaraf gan Dîm Gwirfoddoli

Mae’r Wythnos Gwirfoddolwyr yn ddathliad cenedlaethol o gyfraniadau gwirfoddolwyr.

Mae mwy nag un o bob pedwar o bobl yng Nghymru yn gwirfoddoli. Maen nhw i gyd yn rhoi o’u hamser a’u hegni i wneud pob math o bethau anhygoel, o hyfforddi pobl ifanc mewn chwaraeon i fod yn gyfeillion i bobl hŷn, gweithredu fel eiriolwyr, codi arian ar gyfer ymchwil meddygol, ac achub bywydau.
Does dim amheuaeth bod Cymru a’n cymunedau lleol ni yn llefydd gwell diolch i’r unigolion eithriadol hyn sy’n cyfrannu cymaint ac yn gwneud byd o wahaniaeth.

Mae hwn yn amser i ni ddod at ein gilydd a diolch i’r holl wirfoddolwyr am eu cyfraniadau amhrisiadwy. Fel rhan o ddathliadau’r Wythnos Gwirfoddolwyr, rydym yn cynnal Digwyddiad Dathlu arbennig, i gydnabod a gwobrwyo’r gwirfoddolwyr yn ein cymunedau ni.

Rydyn ni nawr yn derbyn enwebiadau ar gyfer Tystysgrifau Cydnabyddiaeth yr Wythnos Gwirfoddolwyr. Mae’r gwobrau hyn i ddiolch a dathlu’r amser a’r ymrwymiad y mae person, neu grŵp o bobl, yn eu rhoi i wirfoddoli dros elusen neu achos. Rydym yn eich annog chi i enwebu’r unigolion arbennig hynny yn eich sefydliadau ac ymuno â ni o 2:30pm ymlaen ddydd Mawrth 7fed Mehefin yng Nghanolfan y Drindod Llandudno, ar gyfer dathliad o gyflawniadau gwirfoddoli, gyda the / coffi a chacen i ddilyn! Mae’r llefydd yn gyfyngedig, felly byddwn yn gwahodd 2 wirfoddolwr ac un aelod cynrychioliadol o staff o bob sefydliad i fynychu. Bydd hyn yn cael ei wneud ar sail y cyntaf i’r felin, felly a fyddech cystal â chadw lle i chi’ch hun yn brydlon os gwelwch yn dda, drwy lenwi’r ffurflen enwebu. Wedyn byddwn yn rhoi eich enw ac enwau hyd at 2 wirfoddolwr ar y rhestr gwesteion. Mae ffurflenni enwebu digidol ar gael YMA.

Ar gyfer ein hymgyrch ar y cyfryngau cymdeithasol, hoffem ofyn i chi rannu eich syniadau gyda ni ar gyfer yr Wythnos Gwirfoddolwyr eleni? Byddem hefyd yn croesawu unrhyw straeon newyddion da i dynnu sylw at bwysigrwydd a gwerth anhygoel gwirfoddoli ac, yn ei dro, i ysbrydoli mwy o bobl i gymryd rhan er mwyn helpu eraill.
Rhwng 9fed ac 20fed Mai byddwn yn ymweld â sefydliadau lleol gyda chamera i ffilmio fideos byrion i arddangos eich gwaith ac i siarad â gwirfoddolwyr am eu gwaith, felly rhowch wybod i ni os hoffech chi gymryd rhan drwy e-bostio [email protected]

Rydyn ni’n edrych ymlaen at eich cyfarfod chi i gyd yn fuan!

Cyfleoedd Gwirfoddoli

Groes Goch Brydeinig

Mae'r Groes Goch Brydeinig yn recriwtio Gwirfoddolwyr Gwasanaethau Cwsmeriaid ar gyfer eu canolfan yn Abergele. Os ydych chi'n mwynhau bod mewn amgylchedd swyddfa, yn gydymdeimladol ac yn hoffi cyfarfod â phobl, efallai mai dyma'r rôl i chi. Diolch i wirfoddolwyr fel chi gall BRC ddarparu cadeiriau olwyn ac offer symudedd arall i bobl yn eich cymuned leol i'w helpu drwy argyfwng. Mae'r gwasanaeth hanfodol hwn yn galluogi pobl i gynnal eu hannibyniaeth ac ansawdd eu bywyd ar ôl salwch neu anaf. Mae'r tasgau'n cynnwys darparu gwasanaethau cwsmeriaid gwych, dosbarthu cadeiriau olwyn / offer a derbyn dychweliadau, defnyddio system rheoli stoc gyfrifiadurol, dangos defnydd diogel o'r offer, derbyn taliadau / rhoddion. Mae’n gyfle gwych i ddefnyddio’ch sgiliau presennol neu ddysgu rhai newydd. Bydd yr holl hyfforddiant ar gyfer y rôl yn cael ei ddarparu. Ad-delir costau teithio rhesymol y cytunwyd arnynt ymlaen llaw ar gyfer y rôl gan gynnwys mynychu hyfforddiant. Byddwch yn rhan o sefydliad dyngarol mwyaf y byd a gwneud gwahaniaeth cadarnhaol i fywydau pobl.

Vision Support

Mae Vision Support yn elusen ranbarthol sy'n darparu cefnogaeth a gwasanaethau lleol yn y gymuned. Mae'r sefydliad yn cefnogi pobl â nam ar eu golwg ac yn codi ymwybyddiaeth o'u hanghenion. Maen nhw’n chwilio am Wirfoddolwyr Cyfeillio Dros y Ffôn ar gyfer y prosiect Let’s Talk, i sgwrsio ar y ffôn gyda phobl sy’n gaeth i’r tŷ efallai neu’n byw ar eu pen eu hunain, a sicrhau eu bod yn derbyn unrhyw wasanaethau eraill y gallent fod eu hangen. Fel Gwirfoddolwr Let’s Talk byddwch yn ffonio defnyddiwr(wyr) gwasanaeth yn rheolaidd ar ddiwrnod ac amser y cytunwyd arno, byddwch yn glust i wrando ac yn darparu cefnogaeth emosiynol lle bo angen ac yn nodi unrhyw anghenion pellach sydd ganddynt efallai a, gyda'u caniatâd, yn trosglwyddo'r wybodaeth hon i'w Gweithiwr Datblygu Cymunedol penodol. Mae’n gyfle gwirioneddol i gael effaith gadarnhaol ar bobl sy’n byw gyda cholled golwg yn y gymuned. Bydd hyfforddiant llawn yn cael ei ddarparu.

Centre of Sign-Sight-Sound (COS)

Mae Centre of Sign-Sight-Sound (COS) yn elusen anableddau lwyddiannus sy'n gweithio i wella ansawdd bywyd a mynediad i bobl â nam ar y synhwyrau. Maent yn darparu gwasanaethau iechyd hygyrch i sicrhau integreiddio rhwng darparwyr gofal iechyd a'u cleifion yn ogystal â llawer o wasanaethau sy'n cynnwys cyflogaeth anabledd, ymgysylltu, llesiant ac ymgysylltu â'r gymuned. Maent yn chwilio am Ymddiriedolwyr i ymuno â'u Bwrdd. Os oes gennych chi ddiddordeb mewn gwella iechyd a lles pobl a chymunedau a bod gennych chi brofiad ym maes Cyllid, Ymarfer Clinigol, Cynhyrchu Incwm, y Wasg a Chysylltiadau Cyhoeddus, Adnoddau Dynol, Dylanwadu Gwleidyddol neu wasanaethau Digidol, mae hon yn rôl i chi, os ydych chi’n Ymddiriedolwr profiadol neu eisiau cymryd eich cam cyntaf. Byddwch yn cael cyflwyniad a hyfforddiant a byddwch yn cael cyfleoedd i ddatblygu sgiliau newydd a gwneud penderfyniadau strategol, rhwydweithio ag uwch weithwyr proffesiynol, a llunio prosiectau arloesol. Gellir ad-dalu costau.

Gwirfoddoli a’r Iaith Gymraeg

Mae CGGC yn falch iawn o gefnogi’r cyfle hwn i drafod Gwirfoddoli a’r Iaith Gymraeg, wrth baratoi ar gyfer Fframwaith Gwirfoddoli a’r Gymraeg 2022. Os ydi eich sefydliad yn elwa o recriwtio siaradwyr Cymraeg neu yn edrych am gyngor ar sut i wella eich recriwtio o siaradwyr Cymraeg, yna dewch ac ymunwch â'r digwyddiad rhithwir dwyieithog hwn

Hwb Cymorth Cymunedol CGGC

Mae Hwb Cymorth Cymunedol CGGC yn gam cadarnhaol ac arwyddocaol i sicrhau bod trigolion Conwy yn cael mynediad ystyrlon i wybodaeth, arweiniad a chefnogaeth ymarferol gan ddarparwyr dibynadwy ledled yr ardal.

Bydd staff hyfforddedig a gwybodus CGGC wrth law i gefnogi preswylwyr sy’n dymuno cael gwybodaeth a chymorth ar ystod o faterion sy’n effeithio ar eu lles.

Yma yn CGGC, rydym yn cydnabod y rhwystrau y mae pobl yn eu hwynebu wrth gael mynediad at wybodaeth a chymorth, felly nid yw hwn yn wasanaeth cyfeirio arall eto - rydym yma i helpu. Dim ond un alwad i’n gwasanaeth ffôn pwrpasol sydd ei angen, i ddarganfod yr ystod lawn o wybodaeth, arweiniad a chefnogaeth a gynigir gan y sector gwirfoddol a chymunedol a sut y gall fod o fudd i’ch lles eich hun.

Wythnos Ymwybyddiaeth Iechyd Meddwl

9-15 Mai 2022 - Unigrwydd

Mae unigrwydd yn rhan arferol o fywyd, gyda’r rhan fwyaf ohonom ni’n teimlo’n unig ar ryw adeg ac yn profi sut gall amharu ar ein hymdeimlad o hunan-werth a pherthyn.

Nid yw unigrwydd yn ymwneud â nifer y ffrindiau sydd gennym ni, yr amser rydyn ni’n ei dreulio ar ein pen ein hunain neu rywbeth sy'n digwydd pan fyddwn ni’n cyrraedd oedran penodol. Unigrwydd yw'r teimlad rydyn ni'n ei brofi pan mae diffyg cyfatebiaeth rhwng y cysylltiadau cymdeithasol sydd gennym ni a'r rhai rydyn ni eu hangen neu eu heisiau. Mae hynny'n golygu y gall fod yn wahanol i bob un ohonom ni.

Yn ystod yr Wythnos Ymwybyddiaeth Iechyd Meddwl yma, rydyn ni eisiau rhoi’r sylw mae’n ei haeddu i unigrwydd, gan ddod â’r pwnc allan o’r cysgodion lle mae mor aml yn gudd.

Mae cymaint y gallwch chi ei wneud yn ystod yr wythnos. Manteisiwch ar y cyfle i gysylltu â ffrind neu gymydog nad ydych wedi siarad ag ef ers tro. Edrychwch ar a rhannu ein podlediadau, animeiddiadau, straeon personol, negeseuon cymdeithasol, ymchwil, ceisiadau polisi ac awgrymiadau y byddwn yn eu cyhoeddi yn ystod yr wythnos. Defnyddiwch ein Pecyn Unigrwydd i Ysgolion i helpu athrawon a disgyblion i edrych ar y thema mewn ysgolion a lawrlwythwch ein Pecyn codi arian Gwisgo Gwyrdd i ddangos eich cefnogaeth i’r wythnos.

Yn fwy na dim, rydyn ni eisiau clywed eich straeon chi am unigrwydd. Mae rhannu ein straeon ein hunain yn helpu i leihau’r stigma ynghylch unigrwydd ac yn herio’r stereoteipiau ynghylch pwy sy’n profi unigrwydd a sut mae’n effeithio arnom ni.

Cymerwch ran yn y rhannu mwyaf ar y cyd o brofiadau unigrwydd a gyda’n gilydd gadewch i ni chwalu’r stigma ynghylch unigrwydd. Rhannwch eich profiadau ac anfon neges bwerus at eraill, gan ddefnyddio'r hashnod #DwiWediProfi / #IveBeenThere ac #WythnosYmwybyddiaethIechydMeddwl / #MentalHealthAwarenessWeek.

Ymunwch â ni yn ystod yr Wythnos Ymwybyddiaeth Iechyd Meddwl a chwarae eich rhan.

Os ydych chi, neu os ydych yn gwybod am rywun sy'n teimlo'n unig ar hyn o bryd, yna cysylltwch â'n Hyb Cymorth Cymunedol cyfeillgar i gael gwybodaeth am sut i ddod o hyd i weithgareddau yn eich cymuned leol.
Ffoniwch: 01492 523853 neu anfonwch neges destun/WhatsApp 07429 503303

Mae ceisiadau ar agor nawr am gymorth hyfforddiant am ddim

Catalydd Cymru: Ehangu Gorwelion yn rhoi cymorth i fudiadau treftadaeth micro, bach a chanolig neu fudiadau sy’n cynnal prosiect treftadaeth ehangu eu ffrydiau incwm a chyrraedd cynulleidfaoedd a phobl newydd.

Mae’r ffenestr ymgeisio ar gyfer yr ail garfan hyfforddi (12 lle) ar agor nawr tan 9 Mai 2022.

Mae pedwar diwrnod o gymorth hyfforddi trylwyr am ddim ar gael i 25 o fudiadau ar bynciau fel llywodraethu, cynllunio busnes a chynhyrchu incwm i helpu i wella gwydnwch mudiadau a’u gallu i ymdopi â newid.

Wedi’i chyllido gan Gronfa Dreftadaeth y Loteri Genedlaethol, mae CGGC yn rhedeg prosiect Catalydd Cymru: Ehangu Gorwelion mewn partneriaeth â Chanolfan Cydweithredol Cymru. Caiff y prosiect hefyd ei gefnogi gan y Tîm Cymorth Ieuenctid Ethnig, Anabledd Cymru a Pride Cymru.

Gellir cael manylion llawn y cymhwysedd ar gyfer y categori hyfforddiant ar ein

tudalen Catalydd Cymru: Ehangu Gorwilion

Os oes gennych unrhyw ymholiadau am y cyfle hyfforddi, e-bostiwch Siobhan Hayward, Swyddog Catalydd Cymru yn [email protected]

Mae Homeshare UK wedi derbyn tair blynedd o gyllid gan Lywodraeth Cymru i ddod â'r rhaglen Homeshare i Gymru.

Mae Homeshare yn dod â phobl sydd ag ystafell sbâr at rywun sy’n hapus i sgwrsio a chynorthwyo o amgylch y tŷ yn gyfnewid am lety fforddiadwy, cymdeithasol. Mae Homeshare yn helpu i alluogi pobl hŷn i fyw'n well gartref, yn darparu cymorth tai ac yn cadw pobl allan o wasanaethau statudol drwy ddarparu perthynas gynhaliol sy'n cydnabod y cyfraniad mae'r hen a'r ifanc yn ei wneud tuag at les cymdeithasol ei gilydd.

Tim Crahart yw Swyddog Datblygu Homeshare Cymru ac mae wedi bod yn ymgysylltu â sefydliadau ledled Cymru sydd â diddordeb mewn dod yn ddarparwyr Homeshare. Wrth gofrestru i fod yn gynllun peilot, bydd sefydliadau'n cael cymorth gan Homeshare UK ar sut i sefydlu a rhedeg rhaglen, grant i helpu i lansio'r rhaglen a blwyddyn o aelodaeth o rwydwaith Homeshare. Mae dau sefydliad eisoes wedi cofrestru.

Lansiwyd Shared Homes Swansea ym mis Ebrill 2022, a hi oedd y rhaglen Homeshare gyntaf yng Nghymru. Mae'r rhaglen yn cael ei chynnal gan SCVS (Cyngor Gwasanaeth Gwirfoddol Abertawe). Gallwch wylio digwyddiad lansio ar-lein Shared Homes Swansea yma: https://www.youtube.com/watch?v=zFTKkozcCgA

Gyda'r trydydd cynllun peilot (a'r un olaf) ar gael i'w ddyrannu, mae Tim yn awyddus i ymgysylltu â sefydliadau yn y Gogledd a fyddai am wybod mwy am ddarparu rhaglen Homeshare.

Mae Homeshare yn mynd i'r afael â materion ynysigrwydd a chymorth i bobl hŷn, llety fforddiadwy i bobl iau ac mae’n dod yn rhaglen sy'n ariannu ei hun i'r darparwr.

Os hoffai unrhyw un wybod mwy am Homeshare, gellir cysylltu â Tim yn [email protected] neu ar 07867 452 159.

Hanfodion Elusennol

Adnodd ar-lein dwyieithog am ddim yw Hanfodion Elusennol sydd wedi'i gynllunio i elusennau gynnal hunanasesiad mewnol o berfformiad eu sefydliad, gan nodi cryfderau arbennig ond hefyd bylchau a meysydd i'w gwella a'u datblygu.

Bydd hwn yn adnodd defnyddiol ar gyfer y sefydliadau llai hynny sydd â diddordeb mewn sicrhau ansawdd a bydd yn gweithredu fel cam cyntaf. Gall feincnodi gwaith mewn deg maes gwahanol – gan helpu i asesu effaith ac a yw’r defnydd gorau’n cael ei wneud o adnoddau.

Mae gan bob cwestiwn esboniad byr i gefnogi trafodaethau a lle nodir meysydd i'w gwella, gallwch wedyn ddatblygu cynllun gweithredu er mwyn mynd i'r afael â hwy.

Gellir defnyddio Hanfodion Elusennol ar gyfer y canlynol:

- fel ffordd o gynnal ‘archwiliad iechyd’ sylfaenol ar sut mae’ch sefydliad yn perfformio ac yn cyflawni eich cenhadaeth.

- fel adnodd i gynnwys pawb yn eich sefydliad mewn trafodaethau am eich gwaith.

- fel ffordd o gynnwys ystod o randdeiliaid pwysig yn eich gwaith.

- os ydych chi eisiau symud ymlaen i ddefnyddio'r safon ansawdd Elusen Ddibynadwy lawn yn y dyfodol.

Gallwch gael mynediad at yr adnodd drwy gofrestru ar gyfer Hwb Gwybodaeth Cefnogi Trydydd Sector Cymru. Mae posib cofrestru am ddim.

Gwaith CGGC yn parhau!

Mewn ymateb i ganllawiau ynghylch coronafirws, mae Swyddfa CGGC ar gau, ond mae'r holl staff yn parhau i fod ar gael trwy e-bost a ffôn. Rydyn ni yma i gefnogi nid yn unig grwpiau gwirfoddol a chymunedol presennol, ond unrhyw fentrau a gweithgareddau gwirfoddol newydd.Mae ein rôl yn fwy hanfodol byth rwan wrth eich helpu chi i gefnogi'ch cymunedau yng Nghonwy, gydag arweiniad, gwybodaeth am gyllid ac ati. Ffoniwch ni ar 01492 534091 neu e-bostiwch [email protected]
neu [email protected]

Latest News

The May edition of CVSC's news bulletin is here!

Our monthly e-bulletins aim to give you the latest, up to date information about the third sector, including information and news on funding, training and other events that are related to the local voluntary and community sector. And all of this information is delivered straight to your inbox!

If you have any information or items that you would like to feature in the next newsletter e-bulletin, get in touch!

Here is the latest funding information. For up to date information and guidance on other sources of both emergency funds and longer term general funding, please visit www.funding.wales or contact us on 01492 523843 or [email protected]

Working in the third sector? Does your group have a project idea? Looking for funding?
CVSC promote a monthly ‘Fund Finder’ specifically for community groups and organisations. In attendance are the following :
The National Lottery Community Fund, Clocaenog Forest Wind Farm Fund, Rhyl Flats Fund, Gwynt y Môr Windfarm Fund, Comic Relief Fund and CVSC’s Funding Officer.
If we can’t help you directly we will do our best to signpost you to other appropriate funding agencies. To book you place contact us now on [email protected]
We look forward to meeting you soon!

Comic Relief Community Fund in Wales

After the delivery of a successful pilot scheme, Comic Relief has confirmed a new round of funding to fund community-led action bringing about positive, lasting social change throughout Wales.

The Comic Relief Community Fund in Wales has two funding levels:

Small Grants (£1,000 – £10,000)

Organisational Growth Grants (£30,000 – £50,000)

For full information: CVSC - Comic Relief Community Fund in Wales

Loto Lwcus

No Risk. No Fees. More Fundraising!

Loto Lwcus celebrates its 1st Birthday!

Since its launch, the Loto Lwcus has raised more than £9,600 for the local community and more than £2,160 has been given away in winnings. So far more than 30 local groups have signed up as part of a fun and effective way to raise funds for their valued services in the community.

Good causes not only benefit from receiving 50% of the profits from ticket sales from their page, they also receive a host of marketing materials as well as their own Loto Lwcus web page! Are you a local not-for-profit group looking to diversify your fundraising income in a fun and effective way? Or, maybe you know of a PTA, sports club, or other charity that is looking for a sustainable way to raise funds? Good causes can sign up for FREE at any time.

Let's hear from Shirley- Volunteer and Events Manager

Tell us a bit about your cause and the work you carry out within the community:

- Stepping Stones North Wales is an established charity of 38 years, providing vital support to adult survivors of sexual abuse in childhood. We provide professional therapeutic counselling and family support throughout the six counties of North Wales at no cost. We also provide a wide range of one to one support. Men and women can self-refer or be referred by a professional

How did you hear about the lottery and what made you decide to join?

- We heard about the lottery through CVSC, and we decided to join as we feel it’s a really good way to raise awareness and vital monies for our charity to support our services and also a way of supporting charities in general within our local community.

Is there a particular project or service you are hoping to raise funds for?

- We are looking to be able to provide more counselling sessions, to those in vital need and also to raise awareness of our services particularly our new Young persons' sexual violence advisors.

What advice would you give to other causes thinking of joining the lottery?

- Join Now! All positive outcomes and such an easy way to support your cause. Professional support from Loto Lwcus at all times and we have had many winners!

Join now!

Here you will find latest news from CVSC Volunteering Team

Volunteers’ Week is a national celebration of the contributions made by volunteers.

More than one in four people in Wales volunteer. They all give their time and energy to do all sorts of amazing things from coaching young people in sport, befriending older people, acting as advocates, fundraising for medical research, to saving lives.
There is no doubt Wales and our local communities are better places thanks to these exceptional individuals who contribute so much and make a real difference.
This is a time for us to come together and thank all volunteers for their invaluable contributions. As part of Volunteers’ Week celebrations, we are holding a special Celebratory Event, to recognise and reward the volunteers in our communities.

We are now accepting nominations for the Volunteers’ Week Certificates of Recognition. These awards are to thank and celebrate the time and commitment that a person, or group of people, give to volunteering for a charity or cause. We encourage you to nominate those special individuals within your organisations and join us from 2:30pm on Tuesday 7th June at Llandudno Trinity Centre, for a celebration of volunteering achievements, followed by tea/coffee and cake! Spaces are limited, therefore we will be inviting 2 volunteers and one representative member of staff from each organisation to attend. This will be done on a first come first served basis, so please reserve a place for yourselves promptly, by completing the nomination form. We will then place your name and the names of up to 2 volunteers on the guest list. Digital nomination forms are available HERE.

For our social media campaign, we would like to ask you to share with us your ideas for this year’s Volunteers’ Week? We would also welcome any good news stories to highlight the importance and incredible value of volunteering, and in turn to inspire more people to get involved in helping others.
Between 9-20th May we will be visiting local organisations with a camera to film short videos showcasing your work and talking to volunteers about their involvement, so please let us know if you would like to take part by emailing [email protected]

We look forward to meeting you all soon!

Volunteering Opportunities

British Red Cross

British Red Cross is recruiting Customer Service Volunteers for their centre in Abergele. If you enjoy being in an office environment, are compassionate and like meeting people then this could be the role for you. Thanks to volunteers like you BRC can provide people in your local community with wheelchairs and other mobility equipment to help them through a crisis. This vital service enables people to maintain their independence and quality of life after an illness or injury. Tasks include providing great customer service issuing wheelchairs/equipment and receiving returns, using a computer-based stock control system, demonstrating safe use of the equipment, receiving payments / donations. It’s a great opportunity to use your existing skills or gain new ones. All training and induction for the role will be provided. Reasonable pre-agreed travel expenses for the role including for attending training are reimbursed. Be a part of the world’s largest humanitarian organisation and make a positive difference to people’s lives.

Vision Support

Vision Support is a regional charity providing local support and services within the community. The organisation supports vision impaired people and raises awareness of their needs. They are looking for Telephone Befriender Volunteers for the Let’s Talk project, to chat on the phone to people who may be housebound or live alone and ensuring that they are receiving any other services that they may need. As a Let’s Talk Volunteer you will phone service user(s) regularly on an agreed day and time, be a listening ear and provide emotional support where needed and identify any further needs they may have and with their permission pass this information on to their named Community Development Worker. It is a real opportunity to make a positive impact to people living with sight loss in the community. Full training will be provided.

Centre of Sign-Sight-Sound (COS)

Centre of Sign-Sight-Sound (COS) is a successful disabilities charity working to improve the quality of life and access for people with a sensory loss. They provide accessible health services to ensure integration between healthcare providers and their patients as well as many services which include disability employment, engagement, well-being and community engagement. They are seeking Trustees to join their Board. If you have an interest in improving the health & wellbeing of people & communities and have experience in Finance, Clinical Practice, Income Generation, Press and PR, Human Resources, Political Influencing or Digital services, then this is a role for you, whether you are an experienced Trustee or wanting to take your first step. You will be provided with induction and training and will have opportunities to develop new skills and make strategic decisions, network with senior professionals, and shape innovative projects. Expenses can be reimbursed.

Volunteering and the Welsh Language

CVSC is delighted to be supporting this opportunity to discuss Volunteering and the Welsh Language, in preparation for a Volunteering and Welsh Language Framework 2022. If your organisation would benefit from recruiting Welsh speakers, or are seeking advice on how to improve your recruitment of Welsh speakers, then do come along and join this bilingual virtual event

CVSC’s Community Support Hub

CVSC’s Community Support Hub is a positive and significant step in ensuring that Conwy’s residents have meaningful access to information, guidance and practical support from trusted providers throughout the area.

CVSC’s trained and knowledgeable staff members will be at hand to support residents wishing to gain information and support on a range of matters that affect their wellbeing.

Here at CVSC, we recognise the barriers people face in accessing information and support, so this isn’t yet another signposting service – we really are here to help. Just one call to our dedicated phone service is all it takes, to discover the full range of information, guidance and support offered by the voluntary and community sector and how it can benefit your own wellbeing.

Mental Health Awareness Week
9-15 May 2022 - Loneliness

Loneliness is a normal part of life, with most of us feeling lonely at some point and experiencing how it can gnaw away at our sense of self-worth and belonging.

Loneliness is not about the number of friends we have, the time we spend on our own or something that happens when we reach a certain age. Loneliness is the feeling we experience when there is a mismatch between the social connections we have and those that we need or want. That means it can be different for all of us.

This Mental Health Awareness Week, we want to give loneliness the attention that it deserves, bringing it out from the shadows where it so often is hidden.

There is so much you can do during the week. Take the chance to get in touch with a friend or neighbour you haven’t spoken with in a while. Have a look at and share our podcasts, animation, personal stories, social posts, research, policy asks and tips that we’ll be publishing in the week. Use our Loneliness School Pack to help teachers and pupils explore the theme in schools and download our Wear it Green fundraising Pack to show your support for the week.

Most of all, we want to hear your stories of loneliness. Sharing our own stories helps reduce the stigma around loneliness and challenge the stereotypes about who experiences loneliness and how it affects us.

Get involved in the largest collective sharing of loneliness experiences and together let’s shatter the stigma around loneliness. Share your experiences and send a powerful message to others, using the hashtag #IveBeenThere and #MentalHealthAwarenessWeek.

Join us this Mental Health Awareness Week and play your part.

If you, or you know of someone who is currently feeling isolated, then please do get in touch with our friendly Community Support Hub for information about how to find activities in your local community.

Call: 01492 523853 or text/WhatsApp 07429 503303

Applications now open for free coaching support

Catalyst Cymru: Broadening Horizons provides support to micro, small and medium sized heritage organisations and organisations running a heritage project to broaden their income streams and reach new audiences and people.

The application window for the second coaching cohort (12 places) is now open until the 9 May 2022.

Four days of free in-depth coaching support is available for 25 organisations on topics such as governance, business planning and income generation to help improve organisations’ resilience and the ability to deal with change.

Funded by the National Lottery Heritage Fund, WCVA is running Catalyst Cymru: Broadening Horizons in partnership with the Wales Cooperative Centre. The project is also supported by Ethnic Youth Support Team, Disability Wales and Pride Cymru.

Full details on eligibility for the coaching strand can be found on our

Catalyst Cymru: Broadening Horizons page

If you have any queries about the coaching opportunity, please email Siobhan Hayward, Catalyst Cymru Officer at [email protected]

Homeshare UK has been awarded three years funding by the Welsh Government to bring the Homeshare programme into Wales.

Homeshare brings together people who have spare rooms with people who are happy to chat and lend a hand around the house in return for affordable, sociable accommodation. Homeshare helps to enable older people to live better at home, provides housing support and keeps people out of statutory services by providing a sustaining relationship that recognises the contribution old and young make to each other’s social wellbeing.

Tim Crahart is the Homeshare Wales Development Officer and has been engaging with organisations throughout Wales who are interested in becoming Homeshare providers. In signing up to be a pilot, organisations will receive support from Homeshare UK in how to set up and run a programme, a grant to help launch the programme and a year’s membership of the Homeshare network. Two organisations have already signed up.

Shared Homes Swansea was launched in April 2022 and became the first Homeshare programme in Wales. The programme is being hosted by SCVS (Swansea Council for Voluntary Service). You can watch the online launch event of Shared Homes Swansea here: https://www.youtube.com/watch?v=zFTKkozcCgA

With the third and final pilot available to be allocated, Tim is keen to engage with organisations in North Wales who would want to know more about delivering a Homeshare programme.

Homeshare addresses the issues of isolation and support for older people, affordable accommodation for younger people and becomes a self-funding programme for the provider.

If anyone would like to know more about Homeshare, Tim can be contacted at [email protected] or on 07867 452 159.

Charity Essentials

Charity Essentials is a free bilingual online tool designed for charities to undertake an internal self-assessment on how their organisation is performing, identifying particular strengths but also gaps and areas for improvement and development.

This will be a useful resource for those smaller organisations who are interested in quality assurance and will act as a first step. It can benchmark work in ten different areas – helping assess impact and whether best use is made of resources.

Each question has a brief explanation to support discussions and where areas for improvement are identified, you can then develop an action plan in order to address them.

Charity Essentials can be used:

- as a way to do a basic ‘health check’ on how your organisation is performing and achieving your mission.

- as a tool to engage everyone in your organisation in discussions about your work.

- as a way to engage a range of important stakeholders with your work.

- if you want to move on to use the full Trusted Charity quality standard in the future.

You can access the tool by signing up to the Third Sector Support Wales Knowledge Hub Registration is free.

CVSC Business as usual

In response to guidance around coronavirus, CVSC Office is closed, but all staff remain fully available via email and telephone. We are here to support not only existing voluntary and community groups, but any new initiatives and voluntary activities.

Our role is even more vital now in helping you to support your communities in Conwy, with guidance, information on funding etc

Call us on 01492 534091 or email [email protected]
or [email protected]