Newyddion
Croeso i rhifyn mis Mehefin o fwletin newyddion CGGC!
Yn yr e-fwletinau misol hyn mae’r wybodaeth a’r newyddion diweddaraf angenrheidiol am y trydydd sector. Mae yma hefyd newyddion am gyllid, hyfforddiant a digwyddiadau eraill sydd o ddiddordeb i’r sector gwirfoddol a chymunedol yn y rhan
hon o’r wlad. A hyn i gyd yn syth i’ch mewnflwch!
Cofiwch gysylltu â ni os oes gennych chi unrhyw wybodaeth neu eitemau yr hoffech chi i ni gynnwys yn y rhifyn nesaf!
|
Yma fe welwch y newyddion diweddaraf gan Dîm Gwirfoddoli
Wythnos Gwirfoddolwyr
Mae’r Wythnos Gwirfoddolwyr yn ŵyl wirfoddoli ledled y DU sy’n cael ei chynnal rhwng 1 a 7 Mehefin bob blwyddyn ac mae’n wythnos arbennig pan fydd sefydliadau sy’n cynnwys gwirfoddoli yn dweud diolch yn fawr iawn wrth eu gwirfoddolwyr!
Mae gwirfoddolwyr yn ganolog i waith elusennau di-ri a sefydliadau eraill yma yng Nghonwy. Maent yn bresenoldeb gwerthfawr mewn llawer o gymunedau, gan wneud gwahaniaeth mewn llefydd mor amrywiol â chlybiau chwaraeon, llyfrgelloedd, ysgolion, coetiroedd ac ysbytai.
Mae’n gyfle i ni gyd rannu negeseuon diolch gyda’n gwirfoddolwyr anhygoel! Gallwn ddathlu’r pŵer a ddaw yn sgil gwirfoddoli i gadw cymunedau gyda’i gilydd, drwy ddim ond bod yno pan fydd eu hangen.
Ymunwch â'n hymgyrch ar gyfryngau cymdeithasol drwy ddilyn #WythnosGwirfoddolwyr neu #VolunteersWeek
Dyma rai
o’r enghreifftiau o’r gwirfoddolwyr gwych sy’n cyfrannu yn ein cymunedau
Stori Gwirfoddolwyr Ifanc- Charlie
Cottington
Mae
Charlie yn ddisgybl ysgol gynradd sy'n gwirfoddoli ei amser i helpu i ofalu am anifeiliaid a gwarchod yr amgylchedd. Mae'n 10 oed ac yn Sgowt gyda chriw y Gogarth. Ond mae ei holl weithgareddau gwirfoddoli y tu allan i'w ymrwymiadau ysgol a’i ymrwymiadau gyda’r Sgowtiaid.
Dywedodd arweinydd y Sgowtiaid, Ray Barnett, wrth CGGC bod Charlie bob amser wedi bod yn angerddol am anifeiliaid a'r amgylchedd. Ar
ei ben blwydd yn 8 oed gofynnwyd iddo beth hoffai ei wneud i ddathlu ei ben blwydd a dywedodd ei fod eisiau “gofalu am anifeiliaid”. Cysylltodd ei fam â ‘Noddfa Anifeiliaid Idlewild’ ac fe wnaethon nhw gytuno y gallai Charlie ddod i wirfoddoli am y diwrnod. Treuliodd ei ben blwydd felly yn glanhau cytiau’r geifr a’r moch, yn glanhau eu corlannau ac yn bwydo'r cathod bach sâl. Ar ôl gwylio cyfres ddogfen David Attenborough, Seven Worlds One Planet, penderfynodd Charlie gymryd camau
pellach.
Gwirfoddolwr Car y Llan- Bethan Trenchard
Dechreuodd Bethan wirfoddoli gyda Car y Llan ar ddechrau’r cynllun ar ddiwedd 2019. Cafodd Covid effaith fawr ar y cynllun ond ers iddo ailddechrau gweithredu mae Bethan wedi bod yn gaffaeliad mawr i’r cynllun wrth ddosbarthu presgripsiynau’r
feddygfa yn wythnosol ym mhob tywydd.
Rydyn ni wedi gofyn i Bethan beth oedd ei chymhelliant i ddod yn wirfoddolwr gyda Car y Llan: “Fe welais i boster yn fy meddygfa yn gofyn am wirfoddolwyr ac roeddwn i’n meddwl bod hwn yn gyfle i mi gefnogi fy nghymuned leol. Fy rôl i yw dosbarthu presgripsiynau o'r feddygfa i'r cleientiaid sy'n gaeth i'w cartrefi. Rydw i wir yn mwynhau cyfarfod â'r holl bobl ac mae'n golygu llawer i mi allu darparu gwasanaeth iddyn nhw a allai fod yn anodd ei gyrraedd fel arall iddyn nhw."
|
|
Youth Shedz yn ehangu ac yn sicrhau bod gwirfoddolwyr a phobl ifanc i gyd yn cael eu cadw'n ddiogel
Mae Youth Shedz yn fenter arobryn sy’n darparu lle diogel i bobl ifanc archwilio pwy ydyn nhw, datblygu perthnasoedd cymdeithasol gyda modelau rôl addas, a datblygu a dysgu sgiliau newydd.
Gydag angen mawr yn cael ei nodi gan ysgolion, yr heddlu a phartneriaid cymunedol eraill, rydyn ni wedi datblygu pecyn adnoddau i alluogi sefydliadau partner eraill i ddatblygu ethos Youth Shedz a phlannu Sied mewn gwahanol ardaloedd. Mae Cymdeithas Bêl Droed Llysfaen wedi bod yn bartneriaid i ni wrth ddatblygu’r pecyn adnoddau yma, ac rydyn ni wedi gweithio gyda nhw ers hydref 2021 i ddatblygu lle diogel sy’n anrhydeddu egwyddorion Youth Shedz.
|
|
Centre of Sign-Sight-Sound (COS)
Mae Centre of
Sign-Sight-Sound (COS) yn elusen anableddau lwyddiannus sy'n gweithio i wella ansawdd bywyd a mynediad i bobl â nam ar y synhwyrau. Maent yn darparu gwasanaethau iechyd hygyrch i sicrhau integreiddio rhwng darparwyr gofal iechyd a'u cleifion yn ogystal â llawer o wasanaethau sy'n cynnwys cyflogaeth anabledd, ymgysylltu, llesiant ac ymgysylltu â'r gymuned. Maent yn chwilio am Ymddiriedolwyr i ymuno â'u Bwrdd. Os oes gennych chi ddiddordeb mewn gwella iechyd a lles pobl a
chymunedau a bod gennych chi brofiad ym maes Cyllid, Ymarfer Clinigol, Cynhyrchu Incwm, y Wasg a Chysylltiadau Cyhoeddus, Adnoddau Dynol, Dylanwadu Gwleidyddol neu wasanaethau Digidol, mae hon yn rôl i chi, os ydych chi’n Ymddiriedolwr profiadol neu eisiau cymryd eich cam cyntaf. Byddwch yn cael cyflwyniad a hyfforddiant a byddwch yn cael cyfleoedd i ddatblygu sgiliau newydd a gwneud penderfyniadau strategol, rhwydweithio ag uwch weithwyr proffesiynol, a llunio prosiectau arloesol. Gellir
ad-dalu costau.
|
|
Dyma’r wybodaeth ddiweddaraf am gyllid. Am wybodaeth a chyfarwyddyd diweddar am ffynonellau o arian argyfwng a chyllid cyffredinol tymor hwy, ewch i www.funding.wales neu gysylltu ar 01492 523843 neu [email protected]
Gweithio yn y trydydd sector? Oes gan eich grŵp chi syniad am brosiect? Chwilio am gyllid?
Mae CGGC yn hyrwyddo ‘Cyfarfod y Cyllidwr’ misol yn benodol ar gyfer grwpiau a sefydliadau cymunedol. Yn bresennol mae'r canlynol:
Cronfa Gymunedol y Loteri Genedlaethol, Cronfa Fferm Wynt Coedwig Clocaenog, Cronfeydd Ffermydd Gwynt Gwastadeddau'r Rhyl a Gwynt y Môr, Comic Relief a Swyddog Cyllid CGGC.
Os na allwn eich helpu yn uniongyrchol byddwn yn gwneud ein gorau i'ch cyfeirio at asiantaethau cyllido priodol eraill. I archebu lle, cysylltwch â ni nawr ar [email protected]
Rydyn ni'n edrych ymlaen at eich cyfarfod chi'n fuan!
Cronfa Gymunedol Gwynt y Môr (GYM)
Mae gan Gronfa Gymunedol Gwynt y Môr (GYM) gysylltiad cryf â Chlwb Rygbi Bae Colwyn ar ôl cefnogi dau brosiect gwahanol yn y clwb yn ddiweddar. Fe wnaeth y cyntaf, sef menter bartneriaeth rhwng Undeb Rygbi Cymru, y clwb a GYM, helpu’r Seahorses i gyflawni ymgyrch gyllido tymor hir i osod llifoleuadau LED ar eu cae yn Brookfield Drive. Mae’r goleuadau
diweddaraf hyn nid yn unig yn helpu’r clwb i leihau ei filiau ynni ond hefyd yn lleihau ei ôl troed carbon. Mae wedi gwella’r cyfleusterau hyfforddi gyda'r nos yn ystod misoedd y gaeaf a hefyd wedi cynnig mwy o gyfleoedd ar gyfer gemau gyda llifoleuadau gyda'r nos.
Yn fwy diweddar mae'r clwb wedi ymrwymo i wella ei gyfleusterau oddi ar y cae. Un rhan o'r datblygiad graddol hwn yw ailgynllunio a gosod cegin fasnachol a nwyddau gwyn yn eu lle. Mae Gwynt y Môr yn falch iawn o fod wedi gallu cefnogi’r elfen hon. Y canlyniad yw galluogi'r clwb i ddarparu'n well ar gyfer cyfarfodydd a digwyddiadau allanol, darparu prydau
ar ôl gêm ar gyfer y chwaraewyr a hefyd creu llif refeniw ychwanegol y mae ei wir angen yn dilyn pandemig Covid.
Ym mis Mai 2022, croesawodd y clwb Rownd Derfynol Cwpan a Bowlen Hŷn Gogledd Cymru. Denodd y tywydd braf y torfeydd mwyaf erioed gyda’r timau yn y rownd derfynol, Yr Wyddgrug, Teirw Nant Conwy, Pwllheli a Chlwb Rygbi Nant Conwy, yn derbyn cefnogaeth wych. Llongyfarchiadau i’r holl glybiau ar gyrraedd y rownd derfynol ac i Glwb Rygbi Nant Conwy am gwblhau’r
dwbl.
Lleoliad gwych ar gyfer diwrnod ardderchog o chwaraeon gyda Bae Colwyn yn cynnal ac yn cynhyrchu refeniw y mae ei wir angen.
Os oes gan eich clwb, grŵp neu sefydliad brosiect posibl a bod arnoch angen cymorth grant, beth am gysylltu! Efallai y gallwn ni eich helpu chi hefyd?
|
|
Dim Risg. Dim Ffioedd. Mwy o Godi Arian!
|
|
Ers ei lansio, mae’r Loto Lwcus wedi codi mwy na £9,600 i’r gymuned leol ac mae mwy na £2,160 wedi’i roi mewn enillion. Hyd yn hyn mae mwy na 30 o grwpiau lleol wedi cofrestru fel rhan o ffordd
hwyliog ac effeithiol o godi arian ar gyfer eu gwasanaethau gwerthfawr yn y gymuned.
Mae achosion da nid yn unig yn elwa o dderbyn 50% o’r elw o werthiant tocynnau o’u tudalen, ond hefyd maent yn derbyn llu o ddeunyddiau marchnata yn ogystal â’u tudalen we Loto Lwcus eu hunain! Ydych chi'n grŵp nid-er-elw lleol sydd eisiau arallgyfeirio eich incwm codi arian mewn ffordd hwyliog ac effeithiol? Neu, efallai eich bod yn gwybod am Gymdeithas Rhieni ac Athrawon, clwb chwaraeon, neu elusen arall sy’n chwilio am ffordd gynaliadwy o godi arian? Gall achosion da gofrestru AM DDIM unrhyw
bryd.
Mae Loto Lwcus yn dathlu enilliad gwobr dwbl o £250.00.
Llongyfarchiadau i'n hennillwr!
|
|
